Yanga yaendeleza dozi ligi kuu Tanzania bara

                                              Wachezaji wa yanga wakishangilia moja ya magoli yao

 Mshambuliaji wa Yanga Simon Msuva akimtoka beki wa African Lyon Sunday Bakari 

 

 

Ligi kuu ya soka Tanzania bara imeendelea tena hii kwa mchezo mmoja uliopigwa katika uwanja wa Taifa jijini Dar es Salaam ambapo Yanga walikuwa wakiwakaribisha Afrikan Lyon.

Katika mchezo huo Yanga imefanikiwa kupata ushindi wa mabao 3-1.

Yanga ndio waliokuwa wa kwanza kupata bao la kuongoza lilizamishwa wavuni na mlinzi wa kati ambaye pia ni nahodha wa kikosi hicho, Nadir Haroub Ally ‘Kanavaro’ kabla ya mshambuliaji Benedictor Mwamlangala wa Lyon kusawazisha katika kipindi cha pili cha mchezo huo.

Aliyeizamisha Lyon hii leo alikuwa ni kiungo Nizar Khalfani aliyetokea benchi kuchukua nafasi ya Frank Domayo akifunga mabao mawili ya dakika za 65 na 88 na kupelekea Yanga kuchomoza na ushindi huo ambao umeifanya kufikisha jumla ya alama 7.

Yanga sasa inajipanga kwa ajili ya mchezo ujao dhidi ya mtani wake Simba mchezo ambao utachezwa Jumatano katika uwanja wa Taifa.

 Tayari maandalizi ya mchezo huo yamekwisha aanza kwa kila upande huku Simba ikiwa imejichimbia huko Zanzibar wao Yanga wako kambini huko Changanyikeni jijini Dar es Salaam.

 

 

 

source:  rockersports.blogspot.com